Kiswahili Kitukuzwe!! World Kiswahili Day

Shirika la Umoja Wa Mataifa almaarufu United Nations leo yaadhimisha Siku ya Kiswahili Duniani (SIKIDU) jijini Nairobi na Mombasa. Hii ni maadhimisho ya pili ya siku hii na wadau wanatarajiwa kudhihirisha lugha hii ilivyo sehemu muhimu ya tamaduni na taratibu za Maisha ya kila siku ya Waswahili haswa katika eneo la Afrika Mashariki.

Kama tovuti inayoongelea teknolojia na ukuzi wa teknolojia katika bara la Afrika, CIO Africa leo tunawaelimisha kuhusu vipengele za kiteknolojia na majina yao katika kiswahili. Baadhi ya maneno haya ni vifaa vya teknolojia.

Artificial Intelligence – Akili Bandia
Smartphone – Simu Janja
Cybersecurity – Usalama wa Mtandao
Internet of Things – Mtandao wa Mambo
Machine Learning – Kujifunza kwa mashine
Cloud Computing – Wingu wa utarakilishi
Laptop – kipakatalishi
Website – Tovuti
App – Programu
Simcard – kadiwia
Scratch card – kadihela
Password – nywila
Keyboard – kicharazio
Mouse – kiteuzi
Computer virus – mtaliga
ATM – kiotomotela
Flash disk- diski mweko
Floppy disk – diski tepetevu
Scanner – mdaki
Memory card – kadi sakima

Siku ya Lugha ya Kiswahili Duniani

Mwaka huu serikali Kuu ya Kenya imejichukulia usukani kendesha maadhimisho wa siku hii na pia imekuwa mstari wa mbele kufanikisha mipangilio yote. Hii ni tofauti na mwaka uliopita ambapo taasisi mbali mbali za elimu zilijiendeshea maadhimisho ya kwanza ya SIKIDU katika viwango vyao binafsi.

Wizara ya Masuala ya Kigeni itakuwa leo Ijumaa na hafla yake katika mkahawa wa QMins ulio mkabala na Bomas jijini Nairobi huku Idara ya Utamaduni na Turathi katika Wizara ya Utalii, Wanyamapori na Turathi za Kitaifa ikishirikiana na Serikali ya Kaunti ya Mombasa kuendesha sherehe nyingine eneo la Fort Jesus Park (Swahili Centre na Swahili Pothub), NMKHTI Grounds, Mombasa.